د صهیونیسټ رژيم د جاسوسۍ ادارې مشر په غزې کښې د اوربند په هکله د خبرو لپاره قطر ته ځي

افغان غږ خبری آژانس: صهیونیستي رسنۍ ییدیوت احرونیت د ځینو صهیونیستي سرچینو په حواله خبر ورکړی، چې د موساد مشر به سبا قطر ته ولاړ شي، ترڅو په غزه کې د اوربند په اړه خبرې وکړي.
د يادونې وړ ده، چې د غزې جګړه له پنځلسو مياشتو راهيسې روانه ده، چې په ترڅ کې يې د مصر، قطر او امريکا په منځګړتوب د اوربند هوکړې ته د رسېدو لپاره څو ځلې خبرې اترې ترسره شوې، خو دغه خبرې اترې يوازې د اوو ورځو لپاره په موقتي توګه پاى ته ورسېدې. د ۲۰۲۳ کال په نوامبر میاشت کښې موافقه وشوه او له هغه وروسته د صهیونیسټ رژيم د خنډونو له کبله له سختو خبرو اترو او د منځګړیتوب له کوششونو سره سره، تر نن ورځې پورې ټولې هڅې ناکامې شوې.