د جوزجان د امنیې قوماندانۍ د نشه يي توکو پر وړاندې د مبارزې ریاست چارواکي وايي چې د اسلامي امارت د مشرتابه د فرمان له مخې په دغه ولایت کې یو شمېر مستحقو سوالګرو ته خواړه ویشل شوي دي.
دخپریدو نیټه :جمعه ۲۱ جدی ۱۴۰۳ ساعت ۱۶:۳۲
د مطلب کود : 304314
افغان غږ خبری آژانس - مزار شریف: د جوزجان د امنیې قوماندانۍ د مخدره توکو پر وړاندې د مبارزې رییس ملا محمد یونس اخوندزاده وویل چې په دې ولایت کې مستحق سوالګر پیژندل شوي او د قانون له مخې ۳۰ سوالګرو ته خواړه ویشل شوي دي.
هغه زیاته کړه: هغه خواړه چې هر کس ته ویشل کیږي اوړه، وريجې، لوبیا، غوړي، وچ چای او بوره پکې شامل دي او دا مرستې هره میاشت په دوامداره توګه دغو خلکو ته ورکول کیږي. د هغه په وینا، په جوزجان ولایت کې مستحقو سوالګرو ته د خوړو د ویشلو موخه د اړمنو او زیان منونکو خلکو ملاتړ دی.
په ورته وخت کې، یو شمیر ګټه اخیستونکو د اړمنو خلکو د ملاتړ لپاره د حکومت د هڅو هرکلی وکړ او ویې ویل: دا د خوړو کڅوړې به زموږ د کورنیو ژوند ښه کړي او زه غوښتنه کوم چې په هیواد کې ټول اړمن خلک له دې پروسې څخه ګټه پورته کړي.
د یادونې وړ ده چې د سوالګرو د راټولولو کمیسیون د اسلامي امارت د حکومت د مشرتابه د حکم سره سم د هیواد په ټولو ولایتونو کې جوړ او فعالیت کوي.
avapress.com/vdca6yney49nwe1.hxk4.html
ډیری لیدل شوي
