پاکستاني چارواکي وايي چې په تېرو دوو ورځو کې ۱۵۵ افغان کډوالې کورنۍ له ایران او پاکستان څخه هېواد ته راستنې شوې دي، ځکه چې د پاکستاني پولیسو له خوا د افغان کډوالو نیول او په زوره ایستل زیات شوي دي.
دخپریدو نیټه :شنبه ۲۲ جدی ۱۴۰۳ ساعت ۱۱:۲۵
د مطلب کود : 304351
افغان غږ خبری آژانس - کابل: د دولتي باختر خبري آژانس راپور ورکړی چې ۱۰۸ کورنۍ، چې ۱۶ کورنۍ یې د ننګرهار د تورخم له لارې، ۱۹ کورنۍ د کندهار د سپین بولدک له لارې، ۳۱ کورنۍ د نیمروز د ورېښمو پل له لارې او ۴۲ کورنۍ د هرات د اسلام کلا له لارې هیواد ته راستنه شوي دي.
دغه کورنۍ هیواد ته د راستنېدو سره پر محال، د افغانستان اسلامي امارت له خوا ورسره مرسته شوي ده.
دولتي رسنیو دا هم راپور ورکړی چې پرون ۴۷ افغان کورنۍ، چې اته کورنۍ یې د ننګرهار د تورخم له لارې، اووه کورنۍ د کندهار د سپین بولدک له لارې او ۳۲ کورنۍ د هرات د اسلام کلا له لارې هېواد ته راستنې شوې دي.
پاکستاني پولیسو په دې وروستیو کې د هیواد په بیلابیلو برخو کې د افغان کډوالو نیولو او په زوره ایستلو لړۍ زیاته کړې ده.
avapress.com/vdcbsabf8rhbgfp.q3ur.html
ډیری لیدل شوي
