په بامیان ولایت کې د پاسپورټونو د ویش پروسه اسانه شوې

افغان غږ خبری آژانس - بامیان: د بامیان د پولیسو د قوماندانۍ د سیمه ییزو چارواکو په وینا، د دې ولایت د پاسپورټ ریاست د پاسپورټ غوښتونکو د اسانتیا لپاره یوه پروسه پلي کړې ده. دوی به په دوو اونیو کې خپل پاسپورټونه ترلاسه کړي.

 

د بامیان د پولیسو د قوماندانۍ ویاند محمد خواني راسا وویل، د دې ولایت اتباع کولی شي د پاسپورټونو لپاره آنلاین نوم لیکنه وکړي او له نوم لیکنې وروسته به ۲۴ ساعته په قطار کې وي.

 

هغه زیاته کړه چې غوښتونکي کولی شي د فورمې او بایومیټریک ډکولو وروسته د ۱۰ څخه تر ۱۴ ورځو پورې خپل پاسپورټونه د پوستې له دفتر څخه ترلاسه کړي.

 

ښاغلي راسا د مراجعینو سره د درناوي وړ چلند او د پاسپورټ په دفتر کې د نظم ډاډ ورکړ او ویې ویل: د نارینه او ښځینه مراجعینو لپاره جلا ځایونه چمتو شوي دي.

 

هغه وویل: هغه خلک چې د ضروري دلایلو لکه حج، عمرې، طبي درملنې او نورو بیړنیو مسلو لپاره بهر ته سفر کولو ته اړتیا لري کولی شي د پاسپورټ دفتر له اسانتیاوو څخه په آفلاین ډول د اړینو اسنادو په چمتو کولو سره ګټه پورته کړي او په لنډ ممکن وخت کې پاسپورټ ترلاسه کړي.