افغان غږ خبری آژانس - کابل: د برېښنا ریاست مطبوعاتي دفتر یوه مطبوعاتي اعلامیه خپره کړه چې پکې ویل شوي چې د برېښنا شرکت اجرایوي رییس عبدالباري عمر د ترکي ۷۷ شرکت له مشر براق انصال سره ولیدل.
ښاغلي انسال په سروبي کې د ۲۲.۷۵ میګاواټه لمریزې برېښنا د تولید پروژې د پرمختګ په اړه معلومات ورکړل او ډاډ یې ورکړ چې کار به یې په چټکۍ او وخت سره بشپړ شي.
په ورته وخت کې، عبدالباري عمر د دې پروژې د ژر بشپړېدو او د هغه سره د هر اړخیزې همکارۍ ټینګار کړی دی.
د یادونې وړ ده چې په سروبي کې د ۲۲.۷۵ میګاواټه لمریزې برېښنا تولید پروژه د ترکي شرکت ۷۷ سره قرارداد شوې ده.