افغان غږ خبری آژانس - کابل: د اقتصاد وزارت مطبوعاتي دفتر یوه مطبوعاتي اعلامیه خپره کړه چې پکې ویل شوي چې د اقتصاد وزارت د مالیې او ادارې مرستیال مولوي محمد عالم جمیل د ځینو ادارو له چارواکو سره په یوه غونډه کې، د خلکو د اړتیاوو سره سم د اقتصادي لومړیتوبونو په پراخه همغږۍ او شریکولو ټینګار وکړ.
په دې غونډه کې، د اقتصاد مرستیال وزیر، د IMC، SAVE CHILDREN، CRC، او WORLD VISION ادارو د فعالیتونو ستاینه وکړه، او د خلکو لپاره د کار فرصتونو رامینځته کولو او د کورنۍ اقتصاد پیاوړي کولو لپاره یې د متشبثینو پروژو پلي کولو باندې د ډیر تمرکز غوښتنه وکړه.
هغه همدارنګه غوښتنه وکړه چې په مرستندویه پروژو کې د خلکو اساسي اړتیاوو ته ځانګړې پاملرنه وشي او په ټولو پروژو کې متوازن پرمختګ په پام کې ونیول شي ترڅو خدمات په ټول هیواد کې ټولو اړمنو خلکو او زیان منونکو سیمو ته ورسیږي.