افغان غږ خبری آژانس - کابل: د افغاني سرې میاشتې ټولنې مطبوعاتي دفتر یوه مطبوعاتي اعلامیه خپره کړه چې پکې ویل شوي چې ټولنې ۲۸ ماشومان چې د زړه په ناروغیو اخته وو د درملنې لپاره د کابل شپږو روغتونونو ته راجع کړي دي.
افغاني سرې میاشتې اداره وايي چې د دې ناروغانو د درملنې او عملیاتو لګښت به د دې ادارې لخوا ورکول کیږي.
د افغاني سرې میاشتې ټولنې تر اوسه پورې په سلګونو د زړه ناروغۍ لرونکي ماشومان د وړیا درملنې لپاره د کابل روغتونونو ته راجع کړي دي.
د زړه سوری شوی ناروغي یو ډول ناروغي ده چې په هیواد کې ځینې ماشومان ترې رنځ وړي.