افغان غږ خبری آژانس - مزار شریف: د شبرغان ښاروال مولوي حبیب الله قانع وویل چې د مني موسم په لومړیو دریو میاشتو کې د دې ادارې ټول ثابت او غیر ثابت عواید له ۲۲ میلیون ۷۹۹ څخه زیاتو ته رسیدلي دي.
هغه زیاته کړه چې د ښاروالۍ د عوایدو راټولولو سرچینې د کور پاکولو مالیه، د ښاروالۍ خدماتو مالیه، د ښاروالۍ د ملکیت کرایه، د موټرو مالیه، د موټرو تخنیکي مالیه، د فعالیت جوازونه، اعلانونه، د ټاکل شویو ملکیتونو مالیه، او متفرقه مالیات شامل دي.