افغان غږ خبری آژانس - کابل: د پنجشیر د کانونو او پټرولیم ریاست اعلان وکړ چې د دې ولایت له کانونو څخه استخراج شوي ۱،۹۱۰ قیراط زمرد یې په ۱۶۴،۶۰۰ ډالرو پلورلي دي.
د پنجشیر د کانونو رییس محمد قاسم امیري وايي چې د زمرد دا اندازه نن (سه شنبه، د دلوي ۱۶مه) کورنیو سوداګرو ته وپلورل شوه.
د زمرد دا اندازه په تیرو دوو اونیو کې د پنجشیر د لومړۍ ولسوالۍ له کانونو څخه استخراج شوې ده.
د یادونې وړ ده چې په تیرو دریو کلونو کې، د پنجشیر د زمرد کانونو محصولات له ۳۳ ځله څخه ډیر د لیلامونو له لارې پلورل شوي دي.