د صنعت او سوداګرۍ وزارت وايي چې د روان کال په لومړیو ۱۱ میاشتو کې له افغانستان څخه صادر شوي تور خټکي ۱۱۰۰ ټنو ته رسیدلي چې په نړیوالو بازارونو کې یې ارزښت له ۱۴ ملیون ډالرو څخه ډیر دی.
دخپریدو نیټه :شنبه ۱۸ حوت ۱۴۰۳ ساعت ۱۵:۳۳
د مطلب کود : 309611
افغان غږ خبری آژانس: د صنعت او سوداګرۍ وزارت د شنبې په ورځ وویل چې د روان کال په لومړیو ۱۱ میاشتو کې د افغانستان د تور خټکي صادرات د ۱۴ ملیون ډالرو څخه ډیر وو.
د صنعت او سوداګرۍ وزارت ویاند عبدالسلام جواد اخوندزاده وویل چې د روان کال په لومړیو ۱۱ میاشتو کې د افغانستان د تور خټکي صادرات شاوخوا ۱۱۰۰ ټنو ته رسیدلي دي.
هغه دا هم زیاته کړه چې د تور خټکيو دا اندازه اتریش، اردن، متحده عربي اماراتو، انګلستان، امریکا، ایټالیا، آسټرالیا، جرمني، پاکستان، ترکیې، چین او نورو هیوادونو ته صادریږي.
د راپورونو له مخې، په افغانستان کې هر کال لږ تر لږه ۳۵۰۰۰ ټنه خټکي چې ارزښت یې له ۸۰۰ ملیون ډالرو څخه زیات دی تولیدیږي او په کورنیو بازارونو، د سیمې او نړۍ په هیوادونو کې پلورل کیږي.
avapress.com/vdcfy1dmyw6dxva.,ziw.html
ډیری لیدل شوي
