د شهیدانو او معلولینو چارو وزارت وايي چې په کابل او هلمند ولایتونو کې یې ۸۸۰ یتیمانو، کونډو او معلولینو ته خوراکي توکي ویشلي دي. په دې ولایت کې ۵۸۰ یتیمانو، کونډو او معلولینو د روژې د مرستو کڅوړې، چې اوړه، غوړي، وريجې او نور خوراکي توکي پکې شامل وو، په شفاف او منظم ډول ویشلي دي.
دخپریدو نیټه :دوشنبه ۲۰ حوت ۱۴۰۳ ساعت ۱۸:۰۴
د مطلب کود : 309869
افغان غږ خبری آژانس په خبرپاڼه کې راغلي چې د مرستو د وېش په مراسمو کې د هلمند د شهیدانو او معلولینو چارو ریاست چارواکو او د خیریه موسسې استازو ګډون کړی و.
په یوه بله اعلامیه کې، د شهیدانو او معلولینو چارو وزارت د حبیب ګلزار شرکت په همکارۍ، په کابل کې ۳۰۰ یتیمانو، کونډو، معلولینو او اړمنو کسانو ته د روژې د مرستو کڅوړې چې پکې اوړه، غوړي، وریجې او نور خوراکي توکي شامل دي، په شفاف او منظم ډول وویشل.
د مرستو د وېش په مراسمو کې د ټولنیزو خدماتو د تنظیم مشر مولوي ثناء الله فرقاني، د بهرنیو اړیکو او پلان جوړونې مشر ملا سدو خان حق شناس او د حبیب ګلزار شرکت چارواکو ګډون کړی و.
دا په داسې حال کې ده چې خلک د روژې په مبارکه میاشت کې بشري مرستو ته سخته اړتیا لري.
avapress.com/vdcaioneo49nwa1.hxk4.html
ډیری لیدل شوي
