په ملګرو ملتونو کې د چین سفیر فو کانګ د اسلامي امارت د لوړ پوړو چارواکو د سفر بندیز څخه د معافیت غوښتنه وکړه او زیاته یې کړه چې د بندیزونو لیست باید تعدیل شي ترڅو له اسلامي امارت سره نور تعامل ته اجازه ورکړل شي.
دخپریدو نیټه :سه شنبه ۲۱ حوت ۱۴۰۳ ساعت ۱۷:۴۵
د مطلب کود : 309950
افغان غږ خبری آژانس: په ملګرو ملتونو کې د چین سفیر فو کانګ د ملګرو ملتونو له امنیت شورا څخه وغوښتل چې د اسلامي امارت د لوړ پوړو چارواکو د سفر بندیز معاف کړي او د اسلامي امارت د چارواکو پر وړاندې د بندیزونو لیست تعدیل کړي ترڅو د اسلامي امارت له حکومت سره نور تعامل هم وشي.
په ملګرو ملتونو کې د چین استازي ټینګار وکړ چې د اسلامي امارت له حکومت سره د اړیکو پروسه باید دوام ومومي، او یادونه یې وکړه چې په تیر کال کې ډیرو هیوادونو له حکومت سره په خبرو اترو او همکارۍ کې برخه اخیستې ده.
هغه زیاته کړه: "د امنیت شورا باید د افغانستان د لنډمهاله حکومت د چارواکو لپاره د سفر بندیز معافیت بیا پیل کړي او د ۱۹۸۸ کال د بندیزونو رژیم کې په وخت تعدیلات راولي ترڅو د اسلامي امارت له حکومت سره تعامل اسانه کړي."
له بلې خوا، واسیلي نیبنزیا؛ په ملګرو ملتونو کې د روسیې سفیر د دوشنبې په ورځ (د مارچ ۱۰مه) په افغانستان کې د یو ټول شموله حکومت پر اړتیا ټینګار وکړ، او دا یې په افغانستان او له هغه هاخوا د سولې او ثبات کیلي وبلله.
د سپوتنیک په وینا، نبنزیا ادعا وکړه چې د مختلفو هیوادونو څخه بهرني جنګیالي افغانستان ته ځي، او ویې ویل چې دا د افغانستان او سیمې امنیت ته یو جدي ګواښ دی.
د روسیې استازي ادعا وکړه چې د داعش د ځپلو لپاره د اسلامي امارت د هڅو سره سره، دا ډله لاهم فعاله ده او استخدام ته دوام ورکوي.
avapress.com/vdcbs9bfgrhbg9p.q3ur.html
ډیری لیدل شوي
