د افغاني سرې میاشتې ټولنې اعلان وکړ چې په ننګرهار، سرپل، تخار او کندوز ولایتونو کې یې له ۱۷۰۰ څخه زیاتو اړمنو او بې وزلو کورنیو ته له ۷ ټنو څخه زیاتې خرماوې ویشلې دي.
دخپریدو نیټه :سه شنبه ۲۱ حوت ۱۴۰۳ ساعت ۱۷:۵۰
د مطلب کود : 309953
افغان غږ خبری آژانس - کابل: د افغاني سرې میاشتې ټولنې مطبوعاتي دفتر د ایکس چینل په یوه مطبوعاتي اعلامیه کې ویلي چې ټولنې په ننګرهار کې ۶۳۷ اړمنو کورنیو، په کندوز کې ۴۰۰ کورنیو، په تخار کې ۴۰۰ کورنیو او په سرپل کې ۳۳۰ کورنیو ته په ټولیزه توګه ۷،۰۶۸ ټنه خرما ویشلې ده.
د خبرپاڼې له مخې، دا مرسته چې د سعودي عربستان لخوا ورکړل شوې وه، هرې کورنۍ ته څلور کیلو خرما ورکړل شوه.
د یادونې وړ ده چې د روژې د مبارکې میاشتې په لسو ورځو کې، په کابل او غزني ولایتونو کې له ۱۵ ټنو څخه زیاتې خرماوې اړمنو کورنیو ته وویشل شوې.
avapress.com/vdceno8xxjh87oi.r6bj.html
ډیری لیدل شوي
