د شهیدانو او معلولینو وزارت وايي چې د خیریه موسسو په همکارۍ یې د هیواد په اوو ولایتونو کې د یتیمانو، کونډو، معلولینو او اړمنو ۳۴۶۹ کورنیو ته خوراکي توکي ویشلي دي.
دخپریدو نیټه :چهارشنبه ۲۲ حوت ۱۴۰۳ ساعت ۲۰:۰۳
د مطلب کود : 310065
افغان غږ خبری آژانس - کابل: د شهیدانو او معلولینو وزارت مطبوعاتي دفتر نن (چهارشنبه، د مارچ ۱۲مه) یوه مطبوعاتي اعلامیه خپره کړه چې د هیواد په اوو ولایتونو کې اړمنو کورنیو او معلولینو ته د مرستو ویش اعلانوي.
د مطبوعاتي اعلامیې له مخې، د شهیدانو او معلولینو چارو وزارت، د خیریه موسسو سره په همغږۍ، په کابل، ننګرهار، لغمان، هلمند، غزني، کندهار او لوګر ولایتونو کې ۳۴۶۹ یتیمانو، کونډو، معلولینو او اړمنو کورنیو ته بیلابیلې مرستې ویشلي دي.
د یادولو وړ ده چې په افغانستان کې د څو لسیزو جګړو ګڼ شمیر شهیدان، معلولین او کونډې پریښي دي چې اوس بشري مرستو ته سخته اړتیا لري.
د یادونې وړ ده چې د شهیدانو او معلولینو چارو وزارت چارواکو د روان کال په اګست میاشت کې د حکومت د ملت په وړاندې د حساب ورکولو په پروګرام کې اعلان وکړ چې په هیواد کې ۶۳۸،۹۵۴ معلولین، کونډې او یتیمان ثبت شوي دي.
avapress.com/vdcaiwnem49n6w1.hxk4.html
ډیری لیدل شوي
