د ایران د اسلامي جمهوریت یو لوړ پوړی پلاوی، چې د بهرنیو چارو او سړک جوړونې مرستیال وزیران او په کابل کې د ایران سفیر پکې شامل وو، هرات ولایت ته سفر وکړ، د صنعتي پارک او خواف-هرات د اورګاډي سټیشن څخه یې لیدنه وکړه، او د دې اورګاډي کرښې د موثریت په زیاتولو یې ټینګار وکړ.
دخپریدو نیټه :جمعه ۲۲ حمل ۱۴۰۴ ساعت ۱۴:۴۰
د مطلب کود : 312346
افغان غږ خبری آژانس - هرات: د ایران د اسلامي جمهوریت د چارواکو یوه لوړ پوړي پلاوي هرات ولایت ته د خپل سفر په ترڅ کې د هرات-خواف صنعتي پارک او د اورګاډي سټیشن څخه لیدنه وکړه.
د دواړو هېوادونو ترمنځ د لویو اقتصادي همکاریو په پام کې نیولو سره، پلاوي د هرات-خواف د اورګاډي کرښې د موثریت د زیاتوالي پر اړتیا ټینګار وکړ.
د سحر افغانستان د راپور له مخې، د ایراني پلاوي غړو، موجوده ظرفیتونو ته په اشارې سره، اعلان وکړ چې اوس مهال د دې پټلۍ له لارې هره ورځ تر ۵۰ ټنو پورې توکي لیږدول کیږي، خو دا شمېره باید په نږدې راتلونکي کې هره ورځ ۱۰۰ ټنو ته لوړه شي.
د دې پلاوي د غړو د څرګندونو له مخې، د ایران اسلامي جمهوریت تر اوسه پورې د هرات-خواف د اورګاډي په لویه پروژه کې ۲۰۰ ملیون ډالر پانګونه کړې ده. دا لیدنه د ایران او افغانستان ترمنځ د اقتصادي او سوداګریزو اړیکو د پراختیا لپاره د دې پروژې اهمیت ښیي.
د یادونې وړ ده چې په دې پلاوي کې د سړکونو او ښاري پراختیا وزارت د پلان او سرچینو مرستیال وزیر سید عبدالله ارجايي، د بهرنیو چارو وزارت د اقتصادي ډیپلوماسۍ مرستیال وزیر سید رسول مهاجر، د بهرنیو چارو وزارت کې د جنوبي آسیا عمومي رییس محمد رضا بهرامي، په کابل کې د ایران د سفارت سرپرست مشر علیرضا بیکدلي او د جنوبي خراسان والي ښاغلي هاشمي شامل دي.
avapress.com/vdceew8xpjh8zxi.r6bj.html
ډیری لیدل شوي
۵
