د جوزجان ولایت د کرنې، اوبو لګولو او مالدارۍ ریاست د یوې خصوصي موسسې په همکارۍ، په قوش تپه ولسوالۍ کې ۲۰۰ کورنیو ته بکسونه او د شاتو مچۍ وویشل.
دخپریدو نیټه :دوشنبه ۲۵ حمل ۱۴۰۴ ساعت ۱۹:۳۸
د مطلب کود : 312759
افغان غږ خبری آژانس - مزار شریف: د جوزجان ولایت د کرنې، اوبو لګولو او مالدارۍ ریاست، د اکشن ایډ سره په ګډه، د دې ولایت په قوش تپه ولسوالۍ کې ۲۰۰ کورنیو ته بکسونه او مچۍ ویشلي دي.
د جوزجان د کرنې، اوبو لګولو او مالدارۍ ریاست مطبوعاتي مسؤل ذبیح الله خیراندیش وویل چې د دې پروژې اصلي هدف د دندو رامینځته کول او د کورنیو اقتصادي پیاوړتیا ده. هغه زیاته کړه چې هرې کورنۍ ته د ټولو اړینو توکو او تجهیزاتو سره څلور د شاتو مچۍ ورکړل شوې، چې دا به په هیواد کې د خالص شاتو تولید زیاتولو کې هم مرسته وکړي.
خیراندیش دا هم وویل چې د مچیو پالنه د ښځو لپاره نوي کاري فرصتونه رامینځته کوي او د کورنیو اقتصادي ودې کې مرسته کوي.
هغه ښځې چې له دې پروګرام څخه ګټه پورته کړې وه، د مچیو د بکسونو د ویش څخه یې خپله خوښي څرګنده کړه، او دا اقدام یې د خپلو کورنیو د اقتصادي وضعیت د ښه کولو لپاره یو اغیزمن ګام وباله.
avapress.com/vdccpiq1o2bqsm8.5ja2.html
ډیری لیدل شوي
