په هېواد کې د چرګانو تولید زیات شوی

افغان غږ خبری آژانس - کابل: د کرنې، اوبو لګولو او مالدارۍ وزارت مطبوعاتي دفتر نن (سه شنبه، د ثور ۱۶مه) د افغان غږ خبری آژانس ته یوه مطبوعاتي اعلامیه لیږلې چې پکې ویل شوي چې په دې اړه د وزارت د کرنې او مالدارۍ مرستیال مولوي عثماني د وطن دانه شرکت له چارواکو سره په یوه غونډه کې له هغوی څخه وغوښتل چې په هیواد کې د چرګانو د چرګانو د تولید په برخه کې پانګونه او کار وکړي.

له بلې خوا، د وطن دانه شرکت چارواکو د خپلو ظرفیتونو او پلانونو په اړه د معلوماتو ورکولو پرمهال، د هیواد دننه د "چرګانو" د تولید د پراخولو لپاره د کرنې وزارت د ملاتړ غوښتنه وکړه.

د مطبوعاتي اعلامیې له مخې، د وطن دانه شرکت، چې د چرګانو د تخمونو، د چرګانو غوښې، هګیو او د سویابین پروسس په تولید کې فعال دی، پریکړه کړې چې د بازار د اړتیاوو د پوره کولو لپاره په کور دننه د چرګانو د تولید ظرفیت لوړ کړي.

مولوي عثماني د شرکت د هڅو ستاینه وکړه، د کورنیو تولیداتو لپاره یې د وزارت په ملاتړ ټینګار وکړ او ویې ویل: "موږ د چرګانو د تولید ملاتړ کوو ترڅو زموږ هیواد ځان بسیا شي."

د کرنې، اوبو لګولو او مالدارۍ وزارت مشرتابه هم ډاډ ورکړی چې په دې برخه کې به د خصوصي سکتور ملاتړ وکړي ترڅو په هیواد کې لا ډیر ځان بسیاینې او د کارموندنې زمینه برابره شي.