په تیر کال کې په بامیان کې د مخدره توکو له کښت څخه د ۲۰۰ جریبه ځمکې پاکول

افغان غږ خبری آژانس - بامیان: د بامیان ولایت د پولیسو د قوماندانۍ ویاند محمد خواني رسا د افغان غږ خبری آژانس سره په مرکه کې وویل چې د ولایت د پولیسو د قوماندانۍ د مخدره توکو سره د مبارزې څانګې د بامیان په بیلابیلو برخو کې ۲۱۶ جریبه کرنیزه ځمکه د مخدره توکو له کښت څخه پاکه کړې ده.

هغه زیاته کړه چې په دې موده کې د دې ادارې لخوا ۲۴۷ عملیات ترسره شوي، چې په پایله کې یې ۷۴ کسان نیول شوي او د چرسو، شیشې، هیرویین، اپین، خمیر شوي ممیز، شراب، او ټراماډول او K ګولیو په ګډون د مختلفو مخدره توکو کشف او ضبط شوي دي. همدارنګه، له نیول شویو کسانو څخه درې ټوپکونه، درې چاقوګانې، ۴۳ ګرځنده تلیفونونه، اووه موټرسایکلونه او پنځه موټرونه ترلاسه شوي دي.

له بلې خوا، د بامیان ولایت یو اوسیدونکی حسن کریمي د ولایت په مرکز او د ولسوالیو په مرکزونو کې د مخدره توکو د کښت له منځه وړلو ته اشاره وکړه، او د سیمه ایز حکومت لخوا د لرې پرتو سیمو پاکول یې تایید کړل، او د مخدره توکو د کښت اوسنی وضعیت یې صفر ته نږدې وباله.

هغه د مخدره توکو د کښت رجحان اقتصادي کمزورتیا او د کار فرصتونو نشتوالي ته منسوب کړ، او په سیمه ییز حکومت یې غږ وکړ چې د لوړ عاید لرونکو فصلونو سره د هغوی پر ځای د مخدره توکو کښت ته د بزګرانو د بیرته راګرځیدو مخه ونیسي او دندې رامینځته کړي.