د ارزګان ولایت په چنارتوی ولسوالۍ کې د شفلوغ بند د جوړولو کار د ۱۶۵.۹ میلیون افغانیو په ټولیز لګښت د لوړ پوړو دولتي چارواکو، قومي مشرانو او ځایي خلکو په شتون کې پیل شو.
دخپریدو نیټه :سه شنبه ۱۰ سرطان ۱۴۰۴ ساعت ۲۱:۲۰
د مطلب کود : 320561
افغان غږ خبری آژانس - کابل: د دې پروژې د پرانستلو په مراسمو کې، د اوبو او انرژۍ سرپرست وزیر عبداللطیف منصور وویل چې د دې پروژې د پلي کولو اصلي هدف د سطحې اوبو اغیزمن مدیریت، د ځمکې لاندې اوبو سرچینو پیاوړتیا او د موسمي سیلابونو مخنیوی دی.
د شفلوغ بند، چې د شفلوغ په کلي کې جوړیږي، ۲۳ متره لوړوالی او ۱۵۵ متره پلنوالی لري او د ۸۵۰،۰۰۰ متر مکعب څخه زیاتو اوبو د ذخیره کولو وړتیا لري. دا ظرفیت به د نږدې ۲۵۹ هکتاره کرنیزې ځمکې د خړوبولو لپاره زمینه برابره کړي.
ښاغلي منصور اسلامي نظام یو لوی نعمت وباله او زیاته یې کړه چې د محدودو سرچینو سره سره، دا نظام توانیدلی چې په هیواد کې امنیت، قومي یووالي او اقتصادي پرمختګ ډاډمن کړي.
د ارزګان والي عنایت الله شجاع په خلکو او حکومت غږ وکړ چې د ځان بسیاینې لپاره همکاري وکړي او سره یوځای شي، او ټینګار یې وکړ چې د هیواد د پرمختګ لپاره د لاسونو د یوځای کولو وخت راغلی دی. د ملي پراختیا شرکت مرستیال هم د شیفلغ بند جوړول د طبیعي سرچینو د مدیریت په لور یو مهم ګام وباله او ژمنه یې وکړه چې دا پروژه به په لوړ کیفیت سره پلي شي.
د مراسمو په پای کې د ارزګان د علماوو شورا رئیس د اوبو او انرژۍ وزارت د کارونو ستاینه وکړه او د اسلامي امارت چارواکي یې د افغان ولس ریښتیني خدمتګاران وبلل.
avapress.com/vdccexq1s2bqip8.5ja2.html
ډیری لیدل شوي
