د ننګرهار ولایتي ادارې اعلان کړی چې د ولایت د اقتصاد رییس او په افغانستان کې د ناروې کمیټې د مشر ترمنځ د یوې غونډې په ترڅ کې، دواړو خواوو د همکارۍ او موجوده ستونزو د حل په اړه خبرې وکړې. د دې غونډې په جریان کې، د ناروې چارواکو په ننګرهار کې د پراختیایي پروژو د پلي کولو لپاره په خپلو ژمنو هم ټینګار وکړ.
دخپریدو نیټه :چهارشنبه ۱۱ سرطان ۱۴۰۴ ساعت ۰۸:۱۱
د مطلب کود : 320576
افغان غږ خبری آژانس - کابل: د ننګرهار ولایت مقام مطبوعاتي دفتر په یوه مطبوعاتي اعلامیه کې اعلان کړی چې د ننګرهار د اقتصاد رییس مولوي عطاء الرحمن فتح د افغانستان لپاره د ناروې د ماموریت (NAC) عمومي رییسې، تریا مګنوس واټرډال او د هغې همکارانو سره د همغږۍ او همکارۍ د زیاتوالي په موخه وکتل او خبرې اترې یې وکړې.
د دې مطبوعاتي اعلامیې له مخې، په دې غونډه کې د ننګرهار د اقتصاد رئیس په داسې حال کې چې په کاري برخه کې د لا زیاتې همکارۍ او همغږۍ لپاره پر چمتووالي ټینګار وکړ، د متوازن پرمختګ په برخه کې یې هم وړاندیزونه وړاندې کړل.
په بدل کې، د ناروې کمیټې عمومي رییس، د اقتصاد د مشر د همکارۍ ستاینه وکړه، د ادارې د اوسنیو کړنو او فعالیتونو په اړه یې ورسره معلومات شریک کړل، او په وړاندیز شویو برخو کې یې د همکارۍ باور څرګند کړ.
د خبرپاڼې په بله برخه کې راغلي چې د ننګرهار د اقتصاد رئیس د اکشن ایډ له چارواکو سره هم ولیدل او د دې ادارې د فعالیتونو پورې اړوند مسلو په اړه یې نظرونه تبادله کړل. په دې غونډه کې د موجوده ننګونو د حل لپاره په ګډو هڅو هم ټینګار وشو.
سرچینه: خبرګاه
avapress.com/vdciyuapqt1arw2.k6ct.html
ډیری لیدل شوي
