د افغان سرې میاشتې ټولنه وايي چې دوی د اسلام کلا په پوله کې له ایران څخه راستانه شویو ۶۰۰۰ څخه زیاتو کډوالو ته خواړه ویشلي دي او همدارنګه یې سلګونو نورو کډوالو ته طبي درملنه هم کړې ده.
دخپریدو نیټه :چهارشنبه ۱۱ سرطان ۱۴۰۴ ساعت ۰۹:۳۴
د مطلب کود : 320599
افغان غږ خبری آژانس - کابل: د افغان سرې میاشتې ټولنې مطبوعاتي دفتر د اسلام کلا په پوله کې له ایران څخه راستنیدونکو کډوالو ته د خوراکي توکو مرستې او روغتیايي خدماتو د ویش اعلان وکړ.
د مطبوعاتي اعلامیې له مخې، د افغاني سرې میاشتې ټولنې یو ځانګړی پلاوی، د سیمه ییزو کارمندانو او رضاکارانو په همکارۍ، د هرات ولایت په اسلام کلا بندر کې له ایران څخه راستنیدونکو زرګونو کډوالو ته بیړنۍ بشري مرستې او روغتیایی خدمات وړاندې کوي.
ویل کیږي چې په دې سیمه کې د افغاني سرې میاشتې د دوو ګرځنده روغتیايي ټیمونو لخوا د سلګونو کډوالو درملنه او پالنه شوې ده، او د پخلي شوي خواړو سربیره شپږ زره راستنیدونکو ته د څښاک اوبه هم ویشل شوي دي.
دا په داسې حال کې ده چې په تیرو دوو اونیو کې له ایران څخه د راستنیدونکو افغان کډوالو شمیر زیات شوی دی. راستنېدونکو کډوالو د افغان غږ خبري اژانس سره په یوه مرکه کې د مسؤلو ادارو له خوا د وخت سره د مرستې د نشتوالي په اړه هم شکایت وکړ.
avapress.com/vdcdnz0snyt0xk6.lb2y.html
ډیری لیدل شوي
