په روسیه کې د اسلامي امارت سفیر او "غیر معمولي استازی" مولوي ګل حسن حسن په رسمي ډول په مسکو کې خپل کار پیل کړ. دا خبر د بهرنیو چارو وزارت د عامه اړیکو مشر ضیا احمد تکل لخوا اعلان شو.
دخپریدو نیټه :چهارشنبه ۱۱ سرطان ۱۴۰۴ ساعت ۱۵:۵۰
د مطلب کود : 320647
افغان غږ خبری آژانس - کابل: مولوي ګل حسن حسن د ډیپلوماتانو او د سفارت نورو کارمندانو سره په یوه غونډه کې وویل چې هغه به د سفارت چارې "په بشپړ ژمنتیا او د کارمندانو سره نږدې همکارۍ" سره ترسره کړي. دا اقدام د اسلامي امارت د هغو هڅو ښکارندوی دی چې غواړي په سیمه کې له مهمو هیوادونو سره خپلې ډیپلوماتیکې اړیکې پراخې کړي.
د اسلامي امارت د بهرنیو چارو وزارت دا ټاکنه له روسیې سره د دوه اړخیزو اړیکو د پیاوړتیا لپاره یو مهم ګام ګڼلی او هیله یې څرګنده کړې چې دا اقدام به د دواړو هېوادونو ترمنځ د سیاسي، اقتصادي او څو اړخیزو همکاریو د پراختیا لامل شي.
avapress.com/vdchkvnxq23ni-d.yjt2.html
ډیری لیدل شوي
