د چاپېریال ساتنې ملي اداره وايي چې د دې ادارې عمومي رییس مولوي مطیع الحق خالص د "دریم نړیوال بازانو د ساتنې فورم" کې د ګډون لپاره د یوه پلاوي په مشرۍ روسیې ته سفر کړی دی.
دخپریدو نیټه :دوشنبه ۱۰ سنبله ۱۴۰۴ ساعت ۱۴:۴۰
د مطلب کود : 327117
افغان غږ خبری آژانس - کابل: د ملي چاپېریال ساتنې ادارې مطبوعاتي دفتر نن (دوشنبه، د سنبله ۱۰مه) یوه مطبوعاتي اعلامیه خپره کړه چې پکې ویل شوي چې افغان پلاوی به په دې فورم کې په افغانستان کې د نادرو مرغانو د اوسني وضعیت په اړه معلومات وړاندې کړي.
پلاوی به د اسلامي امارت او اړوندو ادارو لخوا د هغوی د ساتنې لپاره د نیول شویو اقداماتو او راتلونکو عمل پلانونو په اړه هم معلومات وړاندې کړي.
دا نړیوال فورم به د سپتمبر له ۳مې څخه تر ۶مې پورې د روسیې په ولادیوستوک کې د لرې ختیځ فدرالي پوهنتون کې ترسره شي.
د یادونې وړ ده چې د اسلامي امارت مختلفو چارواکو مخکې روسیې ته سفر کړی و. د روسیې لخوا د اسلامي امارت په رسمیت پیژندلو وروسته، د مسکو او کابل ترمنځ اړیکې نوي پړاو ته داخلې شوې دي.
avapress.net/vdcgqu9wuak9xq4.1gra.html
ډیری لیدل شوي
