د روغتیا نړیوال سازمان (WHO) وايي چې د کونړ او ننګرهار په زلزله ځپلو سیمو کې یې له ۳۳۰۰۰ څخه زیاتو خلکو ته د ناروغیو مخنیوي، واکسیناسیون، چاپیریالي حفظ الصحې او حفظ الصحې په اړه حیاتي معلومات چمتو کړي دي.
دخپریدو نیټه :شنبه ۱۰ عقرب ۱۴۰۴ ساعت ۰۹:۵۶
د مطلب کود : 334176
افغان غږ خبری آژانس: د روغتیا نړیوال سازمان په یوه بیان کې ویلي چې د روغتیا نړیوال سازمان (WHO) د افغانستان په ختیځ کې د کونړ او ننګرهار ولایتونو په زلزله ځپلو سیمو کې د خطر پوهاوي کمپاین او د ټولنې ګډون پیل کړی دی.
د سازمان په وینا، دې کمپاین په ۲۰۷ کلیو کې له ۳۳۰۰۰ څخه زیاتو خلکو ته د ناروغیو مخنیوي، واکسیناسیون، چاپیریالي حفظ الصحې او روغتیا په اړه حیاتي معلومات چمتو کړي دي.
د یادونې وړ ده چې څو میاشتې وړاندې، په کونړ ولایت او د ننګرهار ولایت په ځینو برخو کې ویجاړونکو زلزلو د دې ولایتونو اوسیدونکو ته بې شمیره زیانونه واړول.
avapress.net/vdcjaxetmuqetvz.b,fu.html
ډیری لیدل شوي
