د پنجشیر ولایت چارواکو اعلان وکړ چې د دې ولایت له کانونو څخه استخراج شوي ۳۹۴۱ قیراط زمرد چې ارزښت یې ۶ میلیونه ۲۵۸ زره افغانیو ته رسیږي د یوې داوطلبۍ له لارې پلورل شوي دي.
دخپریدو نیټه :سه شنبه ۱۳ عقرب ۱۴۰۴ ساعت ۱۸:۳۴
د مطلب کود : 334797
افغان غږ خبری آژانس - کابل: د پنجشیر د والي ویاند سیف الدین لیټون وویل چې د زمرد دا اندازه نن (سه شنبه، د عقرب ۱۳) په یوه داوطلبۍ کې وپلورل شوه او په دې پروسه کې له ۱۰۰ څخه زیاتو سیمه ییزو سوداګرو ګډون درلود.
د هغه په وینا، د دې زمردونو د پلور په برخه کې د حکومت ونډه ۱۰ سلنه ده او پاتې عاید یې د کانونو قراردادیانو ته ځي.
پنجشیر د زمرد کانونو او قیمتي ډبرو په برخه کې د افغانستان له بډایه سیمو څخه دی، او په وروستیو کلونو کې د دې سرچینو استخراج زیات شوی دی.
د پنجشیر د زمردو سوداګري په سیمه ییز اقتصادي پرمختګ او د کار په رامنځته کولو کې مهم رول لوبوي، خو کارپوهان وايي چې د فساد او ناوړه ګټې اخیستنې د مخنیوي لپاره د کانونو د استخراج او پلور شفافیت او نږدې څارنه اړینه ده.
avapress.net/vdci35apyt1apy2.k6ct.html
ډیری لیدل شوي
