د کرنې، اوبو لګولو او مالدارۍ وزارت وايي چې د وزارت مرستیال او د ایران د کرنې جهاد وزارت مرستیال د کرنې او مالدارۍ په برخه کې د همکارۍ پر پراخولو ټینګار وکړ، چې د بزګرانو، باغ لرونکو او مالدارانو د محصولاتو د صادراتو او وارداتو لپاره لاره هواره کړي، او همدارنګه د دواړو خواوو د متخصصینو ترمنځ د تجربو تبادلې وکړي.
دخپریدو نیټه :دوشنبه ۱۰ قوس ۱۴۰۴ ساعت ۱۰:۲۳
د مطلب کود : 338818
افغان غږ خبری آژانس - کابل: د کرنې، اوبو لګولو او مالدارۍ وزارت مطبوعاتي دفتر نن (دوشنبه، د قوس ۱۰مه) یوه مطبوعاتي اعلامیه خپره کړه چې پکې ویل شوي چې د وزارت مرستیال مولوي ضمیر عثماني د ایران د کرنې جهاد وزارت مرستیالې مریم جلیلي مقدم او د هغې ملګري پلاوي سره وکتل او خبرې اترې یې وکړې.
په دې غونډه کې، چې د دواړو هیوادونو د کرنې وزارتونو د مختلفو څانګو د مشرانو په شتون کې ترسره شوه، د کرنې او مالدارۍ په برخه کې د همکارۍ پر پراخولو، د بزګرانو، باغ لرونکو او مالدارانو د محصولاتو د صادراتو او وارداتو لپاره د لارې هوارولو او همدارنګه د دواړو خواوو د متخصصینو ترمنځ د تجربو تبادلې باندې ټینګار وشو.
دواړو خواوو د پنبې، ګني، میوو، غلو، غوښې تولید او د څارویو فارمونو په جوړولو کې د ګډې پانګونې په اړه بحث وکړ.
په دې غونډه کې، دواړو خواوو ژمنه وکړه چې د دواړو وزارتونو ترمنځ تخنیکي او عملي همکارۍ زیاتې کړي.
غونډه د نظرونو تبادلې او د همکارۍ د دوام لپاره د دواړو خواوو د لیوالتیا څرګندولو سره پای ته ورسیده.
avapress.net/vdcgq79w7ak9w74.1gra.html
ډیری لیدل شوي
