د سرپل ولایت د کډوالو او راستنیدونکو چارو ریاست د مهاجرت نړیوال سازمان په همکارۍ د ولایت په مرکز او ولسوالیو کې له ایران او پاکستان څخه راستنیدونکو ۶۱ کورنیو ته نغدي مرستې وویشلې.
دخپریدو نیټه :چهارشنبه ۱۲ قوس ۱۴۰۴ ساعت ۱۸:۰۸
د مطلب کود : 339209
افغان غږ خبری آژانس - مزار شریف: د سرپل ولایت د کډوالو او راستنیدونکو چارو ریاست چارواکو اعلان وکړ چې له ایران او پاکستان څخه راستنیدونکو ۶۱ کورنیو ته له ۱۰،۰۰۰ څخه تر ۲۵،۸۰۰ افغانیو پورې نغدي مرستې ورکړل شوې ترڅو دوی ته د ژوند لومړني اړتیاوې پوره کړي.
دوی زیاته کړه چې دا کورنۍ د ساحوي ټیمونو لخوا پیژندل شوي او د دوی د اړتیاو پراساس په څو برخو ویشل شوي. د دوی د اړتیا کچې سره سم دوی ته نغدي مرستې هم ورکړل شوې.
د چارواکو په وینا، په سرپل ولایت کې د اسلامي امارت سیمه ایزو چارواکو د اتباعو د راستنیدو پروسې ملاتړ کړی او د دې کورنیو لپاره د ژوند لومړني اړتیاوې پوره کولو هڅې دوام لري.
avapress.net/vdcbg9bf9rhbf5p.q3ur.html
ډیری لیدل شوي
