د افغانستان د کرکټ بورډ لخوا د مخکې اعلان شوي مهالویش سره سم، د هیواد د کرکټ ملي لوبډله به سبا (دوشنبه، د دلوی ۱۳مه) د ۲۰۲۶ کال د شل اوریزو نړیوال جام له پیل څخه مخکې د سکاټلینډ سره مخ شي. ټاکل شوې ده چې دا لوبه د افغانستان په وخت د ماسپښین په ۲:۰۰ بجو د هند په بنګلور کې ترسره شي.
دخپریدو نیټه :يکشنبه ۱۲ دلو ۱۴۰۴ ساعت ۱۸:۰۴
د مطلب کود : 345188
افغان غږ خبری آژانس: د ۲۰۲۶ کال د شل اوریزو نړیوال جام به د شنبې، (د فبروري له ۷مې څخه د مارچ تر ۸مې، ۲۰۲۶) پورې ترسره شي او په ګډه به یې کوربه توب هند او سریلانکا وکړي.
دا سیالۍ به د هند په پنځو لوبغالو او د سریلانکا په دریو لوبغالو کې د نړۍ د ۲۰ غوره ټیمونو په ګډون ترسره شي.
دا د ICC د نارینه وو د شل اوریزو نړیوال جام لسمه نسخه ده، چې د کرکټ نړیوالې شورا (ICC) تر څارنې لاندې به ترسره شي، او په ټولیزه توګه به د ګروپ مرحلې څخه تر وروستي اتو، نیمه پایلوبو او فاینل پورې 55 لوبې ترسره شي.
د هیواد د کرکټ ملي لوبډله، چې د کاناډا، نیوزیلینډ، سویلي افریقا او متحده عربي اماراتو سره په ګروپ 4 کې ده، به په ګروپ مرحله کې څلور لوبې وکړي.
avapress.net/vdcevn8xvjh8ezi.r6bj.html
ډیری لیدل شوي
۵
