په غور ولایت کې ۱۷۱ کورنیو ته د روغتیایی کټونو ویش

افغان غږ خبری آژانس - بامیان: د غور ولایت د کلیو د بیارغونې او پراختیا ریاست د خپرونو مشر، ذبیح الله غوث زاده، د افغان غږ خبری آژانس سره په مرکه کې وویل چې دا ویش د دولینا ولسوالۍ په قیصرک کلي او د دې ولایت د تیواره ولسوالۍ په کجي کلي کې ترسره شو.

 

هغه زیاته کړه چې دغو کورنیو ته ۱۸ روغتیایی کټونه ویشل شوي او د دې پروګرام په جریان کې د شخصي حفظ الصحې، د اوبو د سمې کارونې او د اوبو د سرچینو د ساتنې په اړه هم پوهاوی ورکړل شوی دی.

 

له بلې خوا، د دې سیمو اوسیدونکو د دې پروګرام ترسره کول د خلکو د روغتیا ساتنې او د چاپیریال او اوبو د ککړتیا مخنیوي کې اغیزمن وبلل او له چارواکو یې وغوښتل چې دا ډول پروګرامونه زیات کړي.