رویټرز د یو ایراني چارواکي له قوله لیکي: موږ د خبرو اترو د بیا پیل لپاره د امریکا شرایط مطالعه کوو

افغان غږ خبری آژانس: د ایران د بهرنیو چارو وزارت یوه چارواکي رویټرز ته ویلي چې تهران د امریکا سره د خبرو اترو د بیا پیل لپاره شرایط مطالعه کوي.

 

هغه وویل: سټیو ویټیکر او عراقچي احتمال لري چې ډیر ژر په ترکیه کې سره وویني.

 

ایراني چارواکي، چې نوم یې نه دی اخیستل شوی، زیاته کړه: "تهران چمتو دی چې د یورانیمو د غني کولو په اړه انعطاف وښيي، په شمول د ۴۰۰ کیلوګرامه لوړ غني شوي یورانیم رسولو."

 

ایران په وار وار ویلي چې هیڅکله به ډیپلوماتیک پروسه پریږدي، مګر دا د روان کال په جون کې وه چې د ایران او امریکا د خبرو اترو په مینځ کې او پداسې حال کې چې د تهران او واشنګټن ترمنځ د خبرو اترو شپږم پړاو په عمان کې ټاکل شوی و، صهیونیسټ رژیم د امریکا په ملاتړ پر ایران برید وکړ.

 

څو ورځې وروسته، متحده ایالاتو د خپلو بم غورځوونکو الوتکو په مرسته د ایران پر اټومي تاسیساتو بمباري وکړه، چې د نړیوالې اټومي انرژۍ ادارې تر څارنې لاندې وو.

له هغې وروسته، امریکایي چارواکو په وار وار اعلان وکړ چې پداسې حال کې چې د تهران او واشنګټن ترمنځ خبرې اترې روانې وې، پر ایران د برید لپاره چمتووالی نیول شوی و.