په خوست کې د څلورو ځوانو ښځو د جبري ودونو مخنیوی

افغان غږ خبری آژانس - کابل: د امر بالمعروف وزارت مطبوعاتي دفتر یوه مطبوعاتي اعلامیه خپره کړې چې اعلان یې کړی چې په خوست ولایت کې د وزارت محتسبانو د یوې قضیې له څېړلو او حل کولو وروسته، څلور ځوانې ښځې ژغورلي دي چې د دوی له رضایت پرته واده کولو ته اړ ایستل شوې وې.

د مطبوعاتي اعلامیې له مخې، وزارت دا هم زیاته کړه چې په ارزګان ولایت کې د محتسبانو د هڅو په پایله کې، د پنځو هغو میرمنو د میراث حقونه چې له کلونو راهیسې یې له ترلاسه کولو څخه محرومې وې، خوندي شوي او بیرته دوی ته ورکړل شوي دي.

د نامر بالمعروف وزارت ټینګار کړی چې د شکایتونو حل کول او د ښځو د شرعي حقونو دفاع د وزارت له لومړیتوبونو څخه دي، او محتسب په دوامداره توګه پدې برخه کې فعال دي.

د یادونې وړ ده چې وزارت مخکې اعلان کړی و چې محتسب د هیواد په بیلابیلو ولایتونو کې د ښځو د حقونو پورې اړوند سلګونه قضیې اداره کوي.