په هلمند کې د لومړي ځل لپاره د میوو د سړې خونې جوړول

افغان غږ خبری آژانس - کابل: دا سړه خونې د ۱۰۰۰ ټنو میوو د ذخیره کولو ظرفیت لري، او چارواکي یې وايي چې دوی هڅه کوي چې دا ظرفیت ۱۵۰۰ ټنو ته لوړ کړي.

 

د دوی په وینا، دې سړې خونې لږترلږه ۱۳۰ کسانو ته د کار زمینه هم برابره کړې ده.

 

د سړې خونې نشتوالی په هیواد کې د بزګرانو او باغ لرونکو لپاره یوه جدي ننګونه ګڼل کیږي.

 

د اقتصاد مرستیال وزیر اعلان وکړ چې د سړې خونې په سکتور کې پانګوالو ته به د پنځو کلونو لپاره د مالیې معافیت ورکړل شي.

 

په وروستیو کلونو کې، ملګرو ملتونو په ځینو ولایتونو کې سړې خونې جوړې کړې دي.

 

د سړې خونې د نشتوالي له امله، افغان میوې او سبزیجات په ارزانه بیه پلورل کیږي یا د حاصلاتو په موسم کې خرابیږي، او په نورو فصلونو کې، کرنیز محصولات له بهر څخه واردیږي.