د اسلامي امارت ویاند مولوي ذبیح الله مجاهد وايي چې د ملګرو ملتونو په سرمشریزه کې د افغانستان د امنیت په اړه اندیښنې بې بنسټه دي.
دخپریدو نیټه :پنجشنبه ۱۶ دلو ۱۴۰۴ ساعت ۱۵:۱۳
د مطلب کود : 345536
افغان غږ خبری آژانس - کابل: مولوي ذبیح الله مجاهد نن (پنجشنبه، د دلوی ۱۶مه) په خپل اکس مخ کې زیاته کړه چې دا اندیښنې په داسې حال کې راپورته کیږي چې افغانستان په غونډه کې د خپل مستند دریځ د وړاندې کولو لپاره حاضر نه دی او ځینې هیوادونه له دې خلا څخه د تبلیغاتو او اندیښنو د رامینځته کولو لپاره کار اخلي.
د اسلامي امارت ویاند ډاډ ورکړ چې افغانستان خوندي دی، دلته هیڅ بهرنۍ خپل سرې ډلې شتون نلري او په افغانستان کې د داعش پدیده ماته شوې ده؛ مګر په ګاونډ کې یې ځاله جوړه کړې ده.
مجاهد وویل: "کله چې موږ وایو چې د افغانستان خاوره به د هیچا پر ضد ونه کارول شي، نو دا پدې مانا ده چې هیڅوک باید د دې په اړه اندیښنه ونلري."
د یادونې وړ ده چې د اسلامي امارت ویاند په وار وار اعلان کړی چې په ټول افغانستان کې امنیت ډاډمن دی.
avapress.net/vdcbfsbf0rhbasp.q3ur.html
ډیری لیدل شوي
