درانی: د پاکستاني طالبانو بریدونه کم شوي دي

افغان غږ خبری آژانس: په افغانستان کې د پاکستان پخواني سفیر آصف دراني د دوشنبې په ورځ وویل چې په افغانستان کې د پاکستان پوځي یرغل د پاکستاني طالبانو (ټي ټي پي) د بریدونو په کمولو کې د پام وړ اغیزه درلوده.

په وروستیو میاشتو کې د پاکستان رژیم په هیواد کې دننه هوایي بریدونه کړي دي چې سلګونه ملکي وګړي یې وژلي دي.

درانی د اورومچي د خبرو اترو په اړه د افغانستان د بهرنیو چارو وزیر امیر خان متقي وروستیو څرګندونو ته هم اشاره وکړه او ویې ویل چې د دې څرګندونو لهجه د خبرو اترو سره د مخ په وړاندې تګ لپاره د افغانستان لیوالتیا ښیې.