د کورنیو چارو وزارت وايي چې د کندهار ولایت امنیتي ځواکونو د دې ولایت په شورابک ولسوالۍ کې د سلګونو پسونو او نورو شتمنیو د قاچاق مخه نیولې او د عملیاتو په پایله کې دوه کسان نیول شوي دي.
دخپریدو نیټه :دوشنبه ۱۷ حمل ۱۴۰۵ ساعت ۱۳:۱۸
د مطلب کود : 350068
افغان غږ خبری آژانس - کابل: د کورنیو چارو وزارت ویلي چې د کندهار ولایت امنیتي ځواکونو د دې ولایت په شورابک ولسوالۍ کې د سلګونو پسونو او نورو شتمنیو د قاچاق مخه نیولې ده.
وزارت ویلي چې دا پیښه د شورابک ولسوالۍ په بادلزو سیمه کې رامنځته شوې ده. چیرته چې قاچاق وړونکو پلان درلود چې د فرضي کرښې څخه ۵۸۰ پسونه د پولې هاخوا ولیږدوي.
وزارت په یوه بیان کې ویلي چې امنیتي ځواکونو د څارویو د لیږد مخه نیولې او په قضیه کې ښکیل دوه کسان یې نیولي دي.
د عملیاتو په جریان کې څلور موټرسایکلونه، یو ټراکټور او ۲۳۵۰ کیلوګرامه وريجې هم نیول شوي دي.
د یادونې وړ ده چې ټول نیول شوي توکي د لومړنیو مرحلو له تیریدو وروسته ګمرک ته سپارل شوي او نورې پلټنې روانې دي.
وزارت ویلي چې دا پیښه د شورابک ولسوالۍ په بادلزو سیمه کې رامنځته شوې ده. چیرته چې قاچاق وړونکو پلان درلود چې د فرضي کرښې څخه ۵۸۰ پسونه د پولې هاخوا ولیږدوي.
وزارت په یوه بیان کې ویلي چې امنیتي ځواکونو د څارویو د لیږد مخه نیولې او په قضیه کې ښکیل دوه کسان یې نیولي دي.
د عملیاتو په جریان کې څلور موټرسایکلونه، یو ټراکټور او ۲۳۵۰ کیلوګرامه وريجې هم نیول شوي دي.
د یادونې وړ ده چې ټول نیول شوي توکي د لومړنیو مرحلو له تیریدو وروسته ګمرک ته سپارل شوي او نورې پلټنې روانې دي.
avapress.net/vdch-vnx623nmvd.yjt2.html
ډیری لیدل شوي
