په میدان وردګ او ننګرهار کې د چت د نړېدو له امله ۱۸ کسان مړه او ټپیان شوي دي

افغان غږ خبری آژانس - کابل: د میدان وردګ ولایت د پولیسو قوماندانۍ اعلان کړی چې د سخت باران له امله په جغتو ولسوالۍ کې د یوه کور چت نړید چې له امله یې یوه ښځه او دوه ماشومان مړه شوي او دوه نور ټپیان شوي دي.

په ورته وخت کې، د ننګرهار ولایت د والي دفتر اعلان وکړ چې په پچیراګام، خوګیاڼو او سپین غر ولسوالیو کې د چتونو د نړېدو له امله شپږ کسان مړه شوي او اووه نور ټپیان شوي دي.

د دې دفتر د اعلامیې له مخې، نن (دوشنبه، د مارچ ۱۷مه) شاوخوا دوه بجې د پچیراګام ولسوالۍ په "موسی خیل" سیمه کې د یو کور د چت د نړېدو له امله درې ماشومان مړه او درې نور ټپیان شوي دي.

د والي دفتر زیاته کړه چې پرون د خوګیاڼو ولسوالۍ په احمد خیلو سیمه کې د یو کور د چت د لوېدو له امله درې ماشومان مړه او یو بل ماشوم ټپي شو.

دفتر دا هم وویل چې پرون د "سپنغر" ولسوالۍ کې د یو بل کور د چت د لوېدو له امله درې کسان ټپیان شول.

په تیرو لسو ورځو کې، د هیواد په بیلابیلو ولایتونو کې د سختو بارانونو او سیلابونو شاهدان وو.

د رسمي شمېرو له مخې، د څو شپې دمخه د بارانونو او زلزلې له امله په هیواد کې لږ تر لږه ۹۹ کسان مړه شوي او ۱۵۴ نور ټپیان شوي دي.