افغان غږ خبری آژانس - مزار شریف: دا قرارداد د وزارت د سرپرست ملا هدایت الله بدري لخوا د ابو سعید کان کیندنې شرکت سره چې ټولټال ۱.۱۲ مربع کیلومتره مساحت لري او ۲۴ میلیون او ۳۳۲ زره ډالر پانګونه لري د اړوندو چارواکو په شتون کې لاسلیک شو.
د ورکړل شویو معلوماتو له مخې، د قرارداد موده ۳۰ کاله ټاکل شوې ده او قراردادي شرکت اړ دی چې خپل فعالیتونه د کانونو د اصولو او طرزالعملونو او ټاکل شویو مکلفیتونو سره سم ترسره کړي.
چارواکو دا هم وویل چې د دې پروژې په پلي کیدو سره به شاوخوا ۱۳۰ اتباعو ته د کار زمینه برابره شي او د دې کان امتیاز ۱۶ سلنه خالص سره زر ټاکل شوی دی.