په تخار، بدخشان او بغلان کې د سیلابونو له امله د بندو شویو سړکونو بیا پرانیستل؛ د لویو لارو د بشپړ پاکولو هڅې دوام لري

افغان غږ خبری آژانس - کابل: د فواید عامې وزارت ویاند محمد اشرف حق شناس وویل چې د تخار-بدخشان لویه لاره چې پرون سهار د سیلابونو له امله په څو ځایونو کې بنده شوې وه، د وزارت د ولایتي کارمندانو په وخت هڅو سره د موټرو پر مخ پرانیستل شوې ده.

هغه وویل چې د تخار ولایت د فرخار-وارساج ولسوالۍ او د سمنګان ولایت د دره صوف-مزار شریف سړک ترمنځ سړک چې د سیلابونو له امله بند شوی و، هم د دغو ولایتونو د فواید عامې ریاستونو د عملیاتي ټیمونو لخوا پاک او بیا پرانیستل شوی دی.

په عین حال کې، د بغلان د فواید عامې د رییس او عملیاتي ټیمونو لخوا د خانجان - بنو ولسوالۍ د سړک د بیا پرانیستلو هڅې په کلکه دوام لري. پرون سهار هم د سیلابونو له امله سړک په څو ځایونو کې بند شوی و.

د یادونې وړ ده چې د فواید عامې وزارت تل له ښاریانو څخه غوښتنه کوي چې په احتیاط سره موټر چلوي او د درنو بارانونو او سیلابونو پرمهال د سیندونو او سړکونو په غاړو کې د درېدو څخه ډډه وکړي.