د پانګوالو هڅولو باندې ټینګار؛ د صنعتکارانو لپاره نوي اسانتیاوې برابرې شي

افغان غږ خبری آژانس - کابل، د بریښنا شرکت په یوه مطبوعاتي اعلامیه کې اعلان وکړ چې د افغانستان بریښنا شرکت اجرایوي رییس ملا عبدالحق حمر د صنعت او سوداګرۍ وزیر نورالدین عزیزي سره ولیدل. پدې غونډه کې، په هیواد کې د صنعتي سکتور د ودې لپاره د بریښنا زیربنا اړتیاو او پراختیایي پروژو په اړه بحث وشو.

د بریښنا شرکت په وینا، پدې غونډه کې، ښاغلي حمر د انرژۍ سکتور کې د همکارۍ او ژمنو هیله څرګنده کړه او د هیواد د صنعت د پراختیا لپاره په بیلابیلو سکتورونو کې د شته اسانتیاوو په اړه یې له ښاغلي عزیزي سره نظرونه تبادله کړل.

په مقابل کې، نورالدین عزیزي د برېښنا شرکت لخوا صنعتي سکتورونو ته د برېښنا خدماتو د پراختیا او برابرولو څخه خوښي څرګنده کړه او ژمنه یې وکړه چې صنعتکارانو ته به نوې اسانتیاوې برابرې کړي او نوي پانګوال وهڅوي چې د هېواد د اقتصادي ځان بسیاینې لپاره پانګونه وکړي.

هغه د برېښنا تولید پروژو د امکاناتو او د پنجشیر ولایت لپاره د اړوندو اسانتیاوو د جوړولو په اړه خپل وړاندیزونه د برېښنا شرکت له اجرایوي رییس سره شریک کړل.

د یادونې وړ ده چې د افغانستان برېښنا شرکت د ستر رهبر د لارښوونې سره سم په ملي کچه صنعتي سکتور ته ځانګړې پاملرنه کړې او د دوامداره خدماتو د وړاندې کولو لپاره یې په هیواد کې د برېښنا تولید سکتور کې ګڼې پروژې پیل کړې دي.