افغان غږ خبری آژانس: د فلسطین د معلوماتو مرکز په حواله، د غزې تړانګې کې د فلسطین د حکومت د عامې روغتیا وزارت د اسراییلو د بریدونو له امله د رامنځته شویو تلفاتو په اړه په خپل ورځني راپور کې اعلان وکړ چې په تیرو ۲۴ ساعتونو کې ۲ شهیدان او ۹ ټپیان د سیمې روغتونونو ته لیږدول شوي دي.
په راپور کې ویل شوي چې یو شمیر قربانیان لاهم د کنډوالو لاندې یا په سړکونو کې دي او د مرستندویه ځواکونو د بې کفایتۍ له امله، دوی ته رسیدل ممکن نه دي.
د دې احصایو له مخې، د اکتوبر په ۱۱مه د اوربند له ټینګیدو راهیسې، د شهیدانو ټولټال شمېر ۸۳۲ ته رسیدلی او د ټپیانو شمېر ۲،۳۵۴ ته رسیدلی دی. همدارنګه، په دې موده کې، ۷۶۷ جسدونه د کنډوالو لاندې را ایستل شوي دي.
د غزې د عامې روغتیا وزارت هم اعلان وکړ چې د ۲۰۲۳ کال د اکتوبر په ۷مه د صهیونیسټ رژیم د نسل وژنې جګړې له پیل راهیسې، د شهیدانو ټولټال شمېر ۷۲،۶۱۲ او د ټپیانو شمېر ۱۷۲،۴۵۷ ته لوړ شوی دی.