د دفاع وزیر په مسکو کې د افغانستان سفارت ته سفر وکړ؛ د قونسلګرۍ خدماتو په ښه والي ټینګار وکړ

افغان غږ خبری آژانس - کابل: په مسکو کې د افغانستان سفارت وايي چې د دې سفر په جریان کې، د ملي دفاع وزیر له ډیپلوماتانو او د سفارت له کارمندانو سره ولیدل او په روسیه کې د اسلامي امارت د هڅو، همغږۍ او "ښه" استازیتوب ستاینه یې وکړه.

مولوي محمد یعقوب مجاهد همدارنګه د افغان اتباعو لپاره د "معیاري، مؤثره او پر وخت" قونسلګرۍ او اداري خدماتو په وړاندې کولو ټینګار وکړ.

د یادونې وړ ده چې د اسلامي امارت د ملي دفاع وزیر مولوي محمد یعقوب مجاهد د روسیې فدراسیون لخوا کوربه توب شوي نړیوال امنیتي سرمشریزه کې د ګډون لپاره دې هیواد ته سفر وکړ.