د اسلامي امارت د رئیس الوزرا اداري مرستیال مولوي عبدالسلام حنفي په کابل کې د قطر له سفیر میردیف القشوتي سره وکتل او د دوه اړخیزو اړیکو او د افغانستان او قطر ترمنځ د همکارۍ د ملاتړ او پیاوړتیا په لارو چارو یې بحث وکړ؛ دا غونډه د سیاسي او نړیوالو تعاملاتو د پراختیا لپاره د دواړو خواوو ترمنځ د ډیپلوماتیکو مشورو په دوام کې ترسره شوه.
دخپریدو نیټه :دوشنبه ۱۵ سرطان ۱۴۰۵ ساعت ۰۸:۰۲
د مطلب کود : 359789
افغان غږ خبری آژانس - کابل: په کابل کې د قطر سفارت اعلان وکړ چې د اسلامي امارت د رئیس الوزرا اداري مرستیال مولوي عبدالسلام حنفي په کابل کې د قطر له سفیر میردیف القشوتي سره وکتل او د دوه اړخیزو اړیکو او د هغوی د ملاتړ او پیاوړتیا په لارو چارو یې بحث وکړ.
په کابل کې د قطر سفارت د ایکس ټولنیزې شبکې په یوه پیغام کې اعلان وکړ چې دواړو خواوو په دې غونډه کې د افغانستان او قطر ترمنځ اړیکې او د دوه اړخیزو همکاریو د پراختیا او پیاوړتیا لارې چارې وڅېړلې.
دا غونډه په داسې وخت کې ترسره کیږي چې قطر په وروستیو کلونو کې له افغانستان سره په تعامل کې فعال رول لوبولی او تل یې د اسلامي امارت سره د ډیپلوماټیکو خبرو اترو او همکارۍ پر دوام ټینګار کړی دی.
په دې اړه، په کابل کې د قطر سفیر مردیف القشوتي هم تیره اونۍ د بهرنیو چارو سرپرست وزیر امیر خان متقي سره په یوه کتنه کې ویلي وو چې هیواد یې د منځګړیتوب پر بنسټ د بهرني سیاست په چوکاټ کې د اسلامي امارت او نړیوالې ټولنې ترمنځ د رغنده تعامل او اړیکو د پراختیا ملاتړ کوي.
avapress.net/vdcg7y9wyak9nu4.1gra.html
ډیری لیدل شوي
۲
