د افغانستان د کرکټ د ملي لوبډلې د پخواني کپتان شاپور ځدران جنازه به د پنجشنبې په ورځ د کابل په عیدګاه کې د جنازې له لمانځه وروسته په مرجان غونډۍ کې خاورو ته وسپارل شي. هغه د دوشنبې په شپه ناوخته د ۳۸ کلونو په عمر د هند په یوه روغتون کې د اوږدې ناروغۍ وروسته ومړ.
دخپریدو نیټه :پنجشنبه ۱۸ سرطان ۱۴۰۵ ساعت ۱۰:۱۲
د مطلب کود : 360153
افغان غږ خبری آژانس - کابل: د شاپور ځدران جنازه د چهارشنبې په ماسپښین له هند څخه کابل ته راوړل شوه. د افغانستان د کرکټ یو شمیر اوسني او پخواني لوبغاړي، د کرکټ مینه والو د یوې لویې ګڼې ګوڼې سره یوځای د کابل په هوايي ډګر کې د هغه د هرکلي او لیږدولو لپاره راټول شوي وو.
د کرکټ نړیوالې شورا (ICC) هم یوه اعلامیه خپره کړه چې د پخواني لوبغاړي مړینه یې د کرکټ ټولنې لپاره لویه ضایعه وبلله او ټینګار یې وکړ چې د افغانستان د کرکټ د یو له خورا اغیزمنو شخصیتونو څخه به تل په یادونو کې ژوندۍ پاتې شي.
شاپور ځدران د افغانستان د کرکټ د لومړي نسل یو له مشهورو لوبغاړو څخه و چې په نړیواله کچه یې د افغانستان د کرکټ په وده او معرفي کې مهم رول لوبولی و.
avapress.net/vdcdkz0ssyt09f6.lb2y.html
ډیری لیدل شوي
