د کندوز د صنعت او سوداګرۍ ریاست چارواکي وايي چې د تولیدي فعالیتونو د ودې سره، ولایت د وريجو، سبزیجاتو، ساختماني موادو او ځینو صنعتي محصولاتو په پروسس کې ځان بسیاینې ته رسیدلی او د روان کال له پیل راهیسې، ۸۳ فابریکو او تولیدي شرکتونو ته د فعالیت جوازونه ورکړل شوي دي.
دخپریدو نیټه :يکشنبه ۱۱ اسد ۱۴۰۵ ساعت ۰۸:۲۹
د مطلب کود : 362177
افغان غږ خبری آژانس - کابل: د کندوز د صنعت او سوداګرۍ ریاست چارواکو اعلان کړی چې په دغه ولایت کې له ۲۵۰ څخه ډیر تولیدي شرکتونه فعالیت کوي او زرګونه خلک په فابریکو او مختلفو تولیدي سکتورونو کې کار کوي.
د کندوز د صنعت او سوداګرۍ ریاست د تصدیو عمومي رییس محمد نسیم سباوون په یوه مطبوعاتي اعلامیه کې وویل چې په دې ولایت کې سوداګرو او د تولیدي شرکتونو مالکینو په بیلابیلو سکتورونو کې په ملیونونو افغانۍ پانګونه کړې ده.
هغه زیاته کړه چې کندز د وريجو پروسس، سبزیجاتو تولید، ساختماني موادو او ځینو نورو سکتورونو کې ځان بسیاینې ته رسیدلی دی، او تولید شوي محصولات د کورنیو اړتیاوو د پوره کولو سربیره یو شمیر ولایتونو او د هیواد مرکز ته صادریږي.
د هغه په وینا، د روان کال له پیل راهیسې، ۸۳ تولیدي فابریکو او شرکتونو ته د فعالیت جوازونه ویشل شوي دي، او د سوداګرو او صنعتکارانو لپاره د پانګونې د غوره فرصتونو د برابرولو هڅې روانې دي.
په ورته وخت کې، په کندز کې د تولیدي شرکتونو یو شمیر چارواکو د مناسبو پانګونې فرصتونو د رامینځته کیدو هرکلی کړی او له خلکو یې غوښتي چې د کورنیو محصولاتو په کارولو سره د هیواد د صنعتونو او تولیدونکو ملاتړ وکړي.
هغه دا هم وویل چې د اسلامي امارت د رهبر د فرمان پر بنسټ، په هر ولایت کې ۱۰۰۰۰ جریبه ځمکه صنعتکارانو ته ځانګړې شوې ده، او د دې ځمکو د ویش پروسه به ډیر ژر پیل شي.
avapress.net/vdcbz5bfzrhb08p.q3ur.html
ډیری لیدل شوي
