د هوا پېژندنې خبرداری؛ په ۱۲ ولایتونو کې د باران او سیلابونو احتمال

افغان غږ خبری آژانس - کابل: د دې وړاندوینې له مخې، د نورستان، کونړ، لغمان، پنجشیر، کاپیسا، ننګرهار، لوګر، پکتیا، خوست، پکتیکا، غزني او بدخشان ولایتونه به د ۱۰ څخه تر ۴۰ ملی مترو پورې باران وویني.

دې ادارې په مرکزي، ختیځ، جنوب ختیځ، سویل لویدیځ، لویدیځ او شمالي ولایتونو کې د ۵۰ څخه تر ۹۵ کیلومتره په ساعت کې د بادونو د څپو د احتمال وړاندوینه هم کړې ده. دا خبرداری په داسې وخت کې ورکول کیږي چې د هیواد په بیلابیلو ولایتونو کې په دې وروستیو ورځو کې سخت بارانونه او ویجاړونکي سیلابونه راغلي دي، چې په نورستان کې یې ۲۴ کسان وژلي او ۸۵ نور ټپیان کړي دي.