د هرات ښار په څلورمه او دولسمه ناحیه کې د قیر او کانکریټي کانال جوړولو دوه پروژې پیل شوې، چې ټولټال لګښت یې د هرات ښاروالۍ د پراختیایي بودیجې څخه ۸.۳ میلیون افغانۍ دی.
دخپریدو نیټه :يکشنبه ۸ سنبله ۱۴۰۵ ساعت ۰۹:۰۴
د مطلب کود : 364198
افغان غږ خبری آژانس - هرات: د چارواکو په وینا، دا پروژې د ښاري زیربناوو د ښه والي، د خلکو د تګ راتګ اسانتیا او د سطحې اوبو مدیریت په هدف پلي کیږي.
د ۱۲مې ناحیې په فاروقیه پاس کې موقعیت لرونکي ټرانس ایلي کې د قیر او کانال جوړولو پروژه ۴۴۰ متره اوږده او ۷ متره پلنوالی لري، او د ۳۶۰ متره کانال جوړولو پروژه د ۳ میلیون ۳۴ زره ۶۹۲ افغانیو په لګښت پلي کیږي. همدارنګه، د څلورمې ناحیې په امام بخاري کې د ۱۹۶۹ او ۱۹۸۹ کلونو سړکونو باندې د قیر او کانکریټي کانال جوړولو پروژه پیل شوې، چې ټول اوږدوالی یې ۵۱۰ متره دی او لګښت یې ۵ میلیونه ۳۴۶ زره ۱۳۵ افغانۍ دی.
یو شمېر سیمه ییزو اوسیدونکو د دې پروژو د پیل هرکلی وکړ، د سړکونو خرابوالی او د سطحې اوبو راټولیدل یې خپلې اصلي ستونزې وبللې او هیله یې څرګنده کړه چې د دې پروژو په بشپړیدو سره به د دوی ترانسپورت او د ژوند چاپیریال ښه شي.
د یادونې وړ ده چې د هرات ښاروالۍ په دې وروستیو میاشتو کې د ښار په بیلابیلو برخو کې د څو زیربنایي پروژو پلي کول پیل کړي دي. مخکې له دې، د ۱۲مې ناحیې په مرکز کې د قلعه رګ کانال پروژه په کار اچول شوې وه.
avapress.net/vdcgyt9w7ak93q4.1gra.html
ډیری لیدل شوي
