د سرحدونو او قبایلو چارو وزارت د سرحدي څېړنو مرستیال، مولوي عنایت الله شجاع، د بدخشان ولایت ته د خپل سفر په ترڅ کې د سرحدي سیمو د وضعیت او د دې سیمو د اوسیدونکو د ستونزو په اړه د امنیتي او سرحدي چارواکو سره خبرې وکړې.
دخپریدو نیټه :يکشنبه ۸ سنبله ۱۴۰۵ ساعت ۰۹:۵۷
د مطلب کود : 364205
افغان غږ خبری آژانس - کابل: د وزارت د مطبوعاتي اعلامیې له مخې، شجاع او ورسره ملګري پلاوي د اشکاشم ولسوالۍ څخه لیدنه وکړه او د سیمه ییزو چارواکو سره له لیدنې وروسته، دوی د دې ولسوالۍ د سرحدي سیمو څخه هم لیدنه وکړه.
د دې سفر په جریان کې، د سرحدونو او قبایلو وزارت مرستیال د سرحدي چارو د تنظیم او د اړوندو ادارو ترمنځ د همغږۍ په اړه سپارښتنې وکړې، او د سرحدي ځواکونو د فعالیتونو ستاینه یې وکړه، د دوی د ستونزو په حل ټینګار یې وکړ.
اشکاشم ولسوالي د بدخشان ولایت په شمال ختیځ کې او د تاجکستان سره په پوله کې موقعیت لري او د هیواد له مهمو سرحدي سیمو څخه ګڼل کیږي.
د یادونې وړ ده چې مولوي عنایت الله شجاع مخکې د کندز ولایت بندر شیرخان ته د خپل سفر په ترڅ کې د دې ولایت سرحدي سیمو څخه لیدنه کړې وه. همدارنګه، د سرحدونو چارو وزارت په وروستیو میاشتو کې د هیواد سرحدي سیمو ته ځانګړې پاملرنه کړې او له ګاونډیو هیوادونو سره یې د سرحدي همکاریو په پیاوړتیا ټینګار کړی دی.
avapress.net/vdcfxjdmtw6dv0a.,ziw.html
ډیری لیدل شوي
