په یوه ورځ کې له ۱۵۰۰ څخه زیات کډوال راستانه شوي؛ ۱۱۵۴ کورنیو ته د ځمکې ویش

افغان غږ خبری آژانس - کابل: د کډوالو د ستونزو د حل عالي کمیسیون سکرتریت وايي چې په هیواد کې د راستنیدونکو کډوالو کورنیو د ثبت، لیږد او ملاتړ پروسه دوام لري.

 

د کمیسیون په وینا، په تیرو ۲۴ ساعتونو کې د تورخم، سپین بولدک، ورېښمو پل او اسلام کلا له لارو څخه ۳۱۱ افغان کډوالې کورنۍ، چې ۱۵۷۷ کسان پکې شامل دي، هیواد ته راستانه شوي دي.

 

په ورته موده کې، ۳۸۰ کورنۍ، چې ۲۴۴۰ کسان پکې شامل دي، اړوندو ولایتونو ته کډه شوي دي.

 

د بشري مرستو په برخه کې، ۳۷۲ کورنیو ته په ټولیزه توګه ۳ میلیونه ۱۰۶ زره افغانۍ نغدي مرسته ورکړل شوه او راستنیدونکو کورنیو ته ۲۶۴ سیم کارتونه ورکړل شول.

 

کمیسیون زیاته کړه چې راستنیدونکو کډوالو ته زرګونه توکي خوراکي توکي، نور لومړني اړتیاوې او روغتیایی خدمتونه هم ورکړل شوي دي.

 

د دایمي استوګنې په برخه کې، په یوه ورځ کې ۱۱۵۴ راستنیدونکو کورنیو ته د استوګنې ځمکې نمرې وویشل شوې.

 

ورکړل شوي احصایې ښیې چې د راستنیدونکو کډوالو سره د چلند پروسه یوازې په سرحدي پولو کې د دوی راجسټریشن پورې محدوده نه ده، بلکې اړوندو ولایتونو ته د کورنیو لیږد، د نغدي او غیر نغدي مرستو ویش، د روغتیا خدماتو چمتو کول او د دایمي استوګنې چمتو کول هم پکې شامل دي.

 

په یوه ورځ کې له ۱۰۰۰ څخه زیاتو کورنیو ته د ځمکې د نومرو ویش د راستنیدونکو کورنیو لپاره د دایمي استوګنې رامینځته کولو او د دوی د بې ځایه کیدو له امله رامینځته شوي ستونزو کمولو هڅو یوه برخه ده.