دکابل پوهنتون په سلګونو تنو محصلینو نن سهار په امریکا کې دهغه فلم پرضد چې د اسلام ستر پیغمبر ته په کې سپکاوي شوي مظاهره وکړه.

مظاهره چیانو چې دامریکا په ضد یې شعارو ورکول، د کابل پوهنتون مخې ته یو شپږ ماده یېز پریکړه لیک هم ولوست.

په پریکړه لیک کې ویل شوي، چې که چېرې دامریکا حکومت فلم جوړونکي محاکمه نه کړي نو خپلو مظاهروته به دوام ورکړي.

تیره ورځ په خوست او ننګرهار ولایتونو کې خلکو په دې اړه سوله یېزې مظاهرې وکړې.