د افغانستان د اسلامي جمهوریت جمهور رئیس حامد کرزي د ننګرهار ولایت د خوګیاڼو ولسوالۍ د نوګرخېلو د لیسې پر مدیر انورالحق صاحب زاده تروریستي برید په کلکه وغانده.
د معارف وزارت د چارواکو د معلوماتو له مخې، د افغانستان د آرامۍ او سوکالۍ دښمنانو پرون له غرمې وروسته د ننګرهار ولایت د خوګیاڼو ولسوالۍ په خواران سیمه کې د نوګرخېلو د لیسې پر مدیر انورالحق صاحب زاده تروریستي برید تر سره کړ او دی یې په شهادت ورساوه.
د افغانستان د اسلامي جمهوریت جمهور رئیس حامد کرزي دغه تروریستي برید په کلکو ټکو وغانده، ویې ویل: د معارف پر ښوونکو او خدمتګارانو تروریستي بریدونه د هغه چا کار دی چې غواړي افغانان په تیارو کې پاتې شي او د نورو احتیاج پاتې شي.
ده زیاته کړه: د معارف او پوهنې دښمنان باید پوه شي چې په دغو تروریستي بریدونو سره نشي کولای زموږ خلک د بچیانو د تعلیم او روزنې په برخه کې له خپل ټینګ هوډ څخه په شا کړي.
حامد کرزی د انورالحق صاحب زاده کورنۍ او خپلوانو ته د خپلې ژورې خواخوږۍ او ډاډګیرنې مراتب وړاندې کوي او دوی ته د لوی خدای ج له دربار څخه د جمیل صبر هیله کوي.
د معارف وزارت د چارواکو د معلوماتو له مخې، د افغانستان د آرامۍ او سوکالۍ دښمنانو پرون له غرمې وروسته د ننګرهار ولایت د خوګیاڼو ولسوالۍ په خواران سیمه کې د نوګرخېلو د لیسې پر مدیر انورالحق صاحب زاده تروریستي برید تر سره کړ او دی یې په شهادت ورساوه.
د افغانستان د اسلامي جمهوریت جمهور رئیس حامد کرزي دغه تروریستي برید په کلکو ټکو وغانده، ویې ویل: د معارف پر ښوونکو او خدمتګارانو تروریستي بریدونه د هغه چا کار دی چې غواړي افغانان په تیارو کې پاتې شي او د نورو احتیاج پاتې شي.
ده زیاته کړه: د معارف او پوهنې دښمنان باید پوه شي چې په دغو تروریستي بریدونو سره نشي کولای زموږ خلک د بچیانو د تعلیم او روزنې په برخه کې له خپل ټینګ هوډ څخه په شا کړي.
حامد کرزی د انورالحق صاحب زاده کورنۍ او خپلوانو ته د خپلې ژورې خواخوږۍ او ډاډګیرنې مراتب وړاندې کوي او دوی ته د لوی خدای ج له دربار څخه د جمیل صبر هیله کوي.
سرچينه : د صدای افغان خبری آژانس(آوا)